مرة زمان كنت بحلم

لما تحتاج حد تقوله انك تعبان و تبكى بحرقه ياخدك فى حضنه و يقولك كفاية

لما تقف لوحدك فى طريق كله ضلمه و تسمع صوت ذئاب بتقرب منك

لما تكون بتحب تفرًح غيرك و فى عز ضحكته يغلط فيك

لما بتضحى بوقتك عشان صديقك و اول ما تحتاجه جنبك يهرب منك

لما بتسعد اقرب الناس ليك و تعمل كل حاجه عشان ترضيهم 

و فى نفس الوقت بيخططوا ازاى يجرحوك و يخلصوا منك بس عشان مش عايزينك

لما تحتاج كلمة حلوة او حتى مجرد ابتسامه تحس منها انك مرغوب

و غير كده تلاقى دموعك بتنزل منك فى وسط ماتكون محتاج تضحك 

الخدود بتضحك عشان تدارى دموع جوا العيون محبوسه عايزة تخرج 

بس لو خرجت مش هتلاقى غير دموع بتجرى وراها و تزق فيها

كأنهم فى سباق مين يخرج من سجن العيون قبل التانى 

و ده على اساس انهم عايزين يلحقوا يخرجوا قبل ما الباب ما يتقفل تانى

مش عارفين ان الباب اول ما يتفتح مش هيعرف حد ابدا يقفله 

لانك تحس انك فى ثورة او حتى فى مظاهره كله بيطالب بحقه فى الحياه

و من حق الدموع انها تنزل من عيونها عشان يحسوا براحه من حبسه بقالها كتير

بس يا ترى لو سبتها فى لحظه و انا فى غفله انها تنزل هاعرف اغمض عينى تانى

او حتى هاعرف احس بالضحكه فى يوم من ايام جايه بكره يا ترى هتبقى هى كمان

زى اللى فاتت و لا هتبقى عايزة تغير من الالم اللى عاشت فيه سنين فاتت

كان فى يوم قبل كده زمان شويه او حتى كتير بحس بأمان و احلم بيوم جاى بعد كده

هيبقى يوم تحقيق حلم بحلم او حتى يمكن بتحلم بيه اى بنت فى اى مكان

يوم الاقى انسان بحبه و يحبنى و يحمينى من ناس بكوا عيونى

او حتى يخرجنى من لحظه اتحبست فيها قبل ماقابله فتره

بس يا ترى يا بنانيت اليوم ده جه ليكم و يا ترى هيجى ليا انا كمان

حلم بس كان لازم احلمه فى مكان عشت فيه غصب عنى سنين

و بحلم اعيش فيه سنين اكتر كمان بس لما يحصل التغيير اللى احنا عايزينه