كيف نرى من حولنا فى وسط غيوم الافكار الهائمة المتضاربه فى امواج من الشقاء و الصراع و النفاق .
قد ترى الناس وحوشا او قد تراهم ملائكة و لكن السؤال هو هل هم كما تراهم ام انهم مجرد مدعين متقنون فى ادعائهم .
نعم اكثر الناس الذين يبدون حبهم لك و اشتياقهم اليك و حاجتهم للتواجد معك و رغبتهم فى ان يظلوا بقربك و يأخذوا رأيك فى كل شئ و يفرحوا برؤيتك و ... و ... و ... انهم مجرد كدابين مدعين لا رحمه فى قلوبهم و لا يعرفون حبا و لا موده و لا امانه و لا اخلاص .
انهم مجرد اناس يحتاجون لمن يتواجد معهم و حولهم لمن يتكلم معه و يحكى له و يأخذ رأيه فقط لمصلحتهم ليس اكثر و لا اقل .
حسبت لوهله ان النفاق هو نفاق فى عمل او لكسب قرب من رجل مهم او شخصيه هامه . و اذا به موجود بين الاصدقاء ينافقون و يكدبون يمثلون و يدعون .
انا كواحده من كثيرات و كثيرون لى من الاصدقاء اعداد و لكن اكتشفت انى اهملتهم مؤخرا و تمسكت فقط بصديقه واحده و يا للخسارة لانها لم تكن تستحق هذا التمسك فاكتشفت انها قد تبيع كل من حولها لتحقق مصلحه ذاتيه لنفسها و ليس هذا فقط اكتشفت انها قد تبيعنى لانها لا تحتاجنى فقد تمكنت من حل مشاكلها بدونى فلماذا تقدرنى او تصادقنى .
قد تبيع الصديقة صديقتها لاجل نفسها ..... و هل تسمى هذه صداقة؟؟!!
هههههههههههه نعم هذه هى صداقة اليومين دول لان صعب نلاقى الصداقة اللى كنا عارفينها قبل كده ........... بس انا عن نفسى ليا اصدقاء بجد جدعان و طيبين مش نفاق و لا تمثيل و لا مصالح بس اخوات و الاقيهم وقت ما اكون بحاجه للى تقف جنبى فى ازماتى و مشاكلى للى تطيطب عليا لما ابقى محتاجالها للى تاخدنى فى حضنها حب فيا و خوف عليا و لما اعيط او اتعب تفضل جنبى .... هى دى الصداقه اللى بجد مش التمثيل اللى موجود بينا اليومين دول ... التمثيل اللى يخنق من كتر الكدب و النفاق .
يا خساره بجد انك مش لاقياهم يمكن مش شايفاهم او يمكن انتى بعدتى عنهم عن قصد او من غير قصد
ردحذفبس صدقينى اللى بيتعامل بصدق و اخلاص مع اللى حواليه مش هيلاقى غير الصدق و الاخلاص
جربى و يمكن تلاقى بدال الصاحبه عشره او اكتر
بس اهم حاجه تبقى عارفه انك تستاهلى تبقى صاحبه ليهم